ភ្នំពេញ៖ នាយករដ្ឋមន្ត្រីកម្ពុជាសម្ដេចតេជោ ហ៊ុន សែន បានបញ្ជាក់ចំពោះនាយករដ្ឋមន្ត្រីចិន លោក លី ឃឺឈាង ថាកម្ពុជាប្រកាន់ខ្ជាប់យ៉ាងម៉ឹងម៉ាត់ ចំពោះ «គោលនយោបាយ ចិនមួយ» និងប្រឆាំងចំពោះសកម្មភាព និងពាក្យពេចន៍ទាំងឡាយណា ដែលបំផ្លាញដល់អធិបតេយ្យ ភាព និងបូរណភាពដែនដីចិន។
ក្នុងសេចក្ដីប្រកាសរួមកម្ពុជា-ចិន បន្ទាប់ពីជំនួបរវាងនាយករដ្ឋមន្ត្រីកម្ពុជា និងចិន បានឲ្យដឹងថាភាគីកម្ពុជាបានអះអាងសាជាថ្មីអំពីការប្រកាន់ខ្ជាប់យ៉ាងម៉ឹងម៉ាត់ចំពោះ«គោលនយោបាយ ចិនមួយ» និងប្រឆាំងចំពោះសកម្មភាព និងពាក្យពេចន៍ទាំងឡាយណា ដែលបំផ្លាញដល់អធិបតេយ្យភាព និងបូរណភាពដែនដីចិន ប្រឆាំងរាល់ទម្រង់នៃសកម្មភាពរបស់ពួកបំបែកខ្លួនដើម្បីទាមទារ -ឯករាជ្យភាពតៃវ៉ាន់- នឹងប្រឆាំងនឹងការជ្រៀតជ្រែកពីខាងក្រៅចូលកិច្ចការផ្ទៃក្នុងរបស់រដ្ឋអធិបតេយ្យ ក្រោមហេតុផលណាក៏ដោយ។
ក្នុងសេចក្ដីប្រកាសរួមនោះលើកឡើងថា៖ «កម្ពុជាគាំទ្រល់កិច្ចប្រឹងប្រែងរបស់ចិន ក្នុងកិច្ចការពារផលប្រយោជន៍ ស្នូល និងសម្រេចបាននូវការបង្រួបបង្រួមជាតិ។ ភាគីចិនបានថ្លែងអំណរគុណយ៉ាងខ្លាំងដល់កម្ពុជា ចំពោះជំហរទាំងនេះ»៕
